“مُد كفك”

مد كفك واعتبرني جيت اسلم بالنيابه
عن غيابي واحتمال اني اطول في غيابي
لا تخيرني على تجميد قلبي وانسيابه
ولا توصيني اكون انسان طيب وانسيابي
علمتني غربتي كسر احتمالات الرتابه
وكيف اعدِّي ما تبقى من مشاوير ارتيابي
عشت همي مثل ما عاشوا كثير من الغلابه
ما اشوف الحزن حزن وما عليّ من اغترابي
عاد عيدك يا وهم عشنا سنين ندق بابه
وعاد عيدك يا فرح للحين ما قد دق بابي
كل عام ( وقلبك ابيض )من تعابير السحابة
كل عام وقطرك ابعد عن سماي وعن ترابي
ما وحشني غير صمتك وانت تلقي لي خطابه
ودك آغمض عيوني.لجل تسرق من خطابي
ما ذبح بعض الكلام الا مشاوير الكتابه
والسكوت اللي تبلد حس لحظات اغتيابي
يشغلك عني مداك اللي تسافر في رحابه
فرق عن غابة ضلوعي وانت عايش في رحابي
ياغريب اش فيه جرحك قام يطلع من ثيابه
هات من جرحك شوية عطر تفرح به ثيابي
والا رووح وغن ( يالله رد من طول غيابه )
انت ناويها فراق وقدك حاكمني غيابي