“طلبتك يا إلهي”

الا يالله طلبتك و الهجوس بصدق ماهوله
على مبدى الرجاء رتبتها ماني بغلطاني
طلبتك يا الاهي و الخطا للعز منقوله
تعز ابلادنا و املوكنا و الدار باماني
بلد مهبط وحي منبع رساله عرضه او طوله
بلد من دونه الله ثم جنداً تلجم الجاني

سيوف الحق لهل الشر و اهل الحقد مسلوله
بشرع الله نحكم في بلدنا زين الاوطاني
حفظك الله يا قايد مسيرتنا على طوله
حفظك الله من حاقد و من شامت و عدواني
وانا شاعر و ابتحدث و ما قلته على اصوله
ابشرح عن معانات المعاق بعضمت لساني
رساله من معاق الخادم البيتين مرسوله
رساله من ولد لا ابوه والله يقضي الشاني
على كل القرارات التي تصدر من الدوله
تعم الشعب كله خيرها القاصي مع الداني

معاد اهل الاعاقه كيف منسيه و مجهوله
تناشد خادم البيتين با الونات و تعاني
فئه ترزح تحت وطي المرض بالشر معلوله
ولا يظهر لهم طاري ولا يرفع لهم شاني

املهم فالحياه اتعيش بين الناس مقبوله
املهم بالله المعبود وحده ثم سلماني

بلفتت اب لولاده و مدت حق معقوله
بصرف احقوقهم من دون شور افلان وافلاني