- ماتـــلحق الشرهـــات غيـــر الرجاجيل
اللــــي لهم في مجتمعنــا مكانه
نعدّهــُــم كنــز الليــــال المقــــابــــيـل
وتـــاج راس وسترنـــا والحصانه
لـــكن الــــى اغراهم جديــــد المواويل
من عاد يحفظ عهدنا والامانه
وان ســارت الخطوات خلف المهابيــل
واهل المهايط والدجل والخيانه
لا والله الا ابينتــــهـي كـــــامل الجيـــل
بااسباب كثر الزلّفه والميـــانه
وجوه جتـــــنا بالــــعجب والتهـــاويل
وهي بتفريق النشــاما مدانــه
والعـــلم يــــاصل للرجــال المداهيــل
اللي لهم وقفـــه وفزعه واعـــانه
امـــــا حـــياتن تــــرفع الراس وتــطيل
ولا مماتن قبل ذُل او اهــانه
والمشكـــله لاســــــار راع الفنـــــاجيل
على هلا وارحـب يعوّد لسانه
وعــلّـــم الهنــدي لشــغل المـــعاميـل
وهو في المجلس مرتب مكانه
والفــارس اللي يمتطي صهــوة الخيـل
ماعــــاد لــه بالمجتمع اي خانه
دنــيـــا تقــلب كـــأنها ظــــلمة الليـــل
في عالمــن كلــه فجور ولعــانه
ابيات رائعه و صح لسانه
تميز لا يستغرب من الشاعر/ شريف العطاوي .
الى القمة إن شاء الله .
صح لسان الشاعر قصيده هادفه