يذوب الشوق في سيل الحنين اللي يرد الروح
ويجري في بساتين الغرام في ريف وجداني
مع أطياف السنين اللي تخاطف قلبي المجروح
تتل الوجد من بين المحاني لين تغشاني
يسامر طيفك الطيب فوادي والهوى مفضوح
أحسه في وجيبي فعزف شوقي مثل ماجاني
ولملم باقي اللهفه بود واحتسي قرطوح
قراح(ن)طيب(ن)صافي يبدد كامن أحزاني
وأشم الورد والكادي ودهن العود قبل يفوح
وأعطر طيف خلي لابدا لي وعاد من ثاني
ترى دوح الهوى الساقي حبيبي لاجلكم مفتوح
تفضل شرع ابوابه وشوف أش لون رياني
وخذ كل الذي يرضيك من روض الهنا مسموح
عناقيد الغرم الصب تنصاك وتعداني
غصون الود مدت لك لفيف(ن)من كروم الدوح
تبيك وجاوب التحنان عزف القلب بألواني
وناداني ندى طيفك حبيبي والصدى مبحوح
مع النجوى تهيئ لي بذكر اسمك على شاني
أحب أسمر مع البسمه ومع رسمك أجي وأروح
وإلى منه تركني إشوي جيت أجر تحناني
إلى ريف تمشى فيه محبوبي عديل الروح
يفيض الوجد بأركانه وهو بالشوق رياني
تمشى ياحبيبي بين وجدي والحشى لاتروح
أنا اللي تحفظه في داخلك ماأظن تنساني
