“الرنج”

والله يا لولا الله واخشى مـن العيـب
لا جيبن الرنج الخضر مـن معاشـي

وان ضاق صدري قلت هاتوا لي الجيب
وشلتـن معاميلـي وشلتـــن فراشـي

ودقيت سلفـه وارتعـد كنـه الذيـب
معا غروب الشمس شـاف المواشـي

وأعطيت بـه فـج بعيـد المشاريـب
قفــــر خـلا للـروح فيهـا انتعاشـي

لا فات نصف الليل حـروه وتقريـب
على شعاع النور شفـت القـــــراشـي

وضح عليهـا مطرقيـن ودباديـب
كنهـا نجـوم لا حجبهـا رشــــاشـي

شبيـت نـاري والنجـوم المراقيـب
كنهـا تقـول الليـل قـرب التلاشـي

وسويت فنجال بـه الكيـف والطيـب
يبعد عماس اللي مـن البعـد ماشـي

وطاب السمر بعد السهـر والتعاجيـب
لولا ان خلي حـرك شجـون جاشـي

يا ليتنـي ويـاه ضيـف ومعازيـب
طول الدهر ومشـارك فـي المعاشـي

الغالي اللـي عـذب القلـب تعذيـب
حبه تزايد بالحشا وصـف طاشـي

أصيح بأعلى الصوت وأرقا المراقيـب
وأقـول هــو خلـي وغيـ ره بلاشـــي