الشعـر حبك وسبك و اسمى رساله
توارثته اجيال تاريـخ لـ لأجيـال
الشعـر واحـد من فصـول الـعداله
وثـق حروب النصـر بزنـود الأبطـال
الشـعـر نهـرٍ عـذب واعـذب زلالـه
الليلـه الليـلـه يجـي طــوع ارتـال
لأهل السمـو واهـل القـدر والجـلاله
تزاحمـت ابيـاته الشـمـخ اجـزال
بادعي الـهٍ منـفــرد في كـمــالـه
يحفظ لنا من هـو دوا كـل عـيال
ياسيـدي سلمـان اسمـك جلاله
وفعلك جلايل من ورا الجال للجال
ويحفـظ بلدنا من فسـاد وجهـاله
روس الفتن من حولنا زمـرة عيال
عاشوا هنا في موطنـي في دلالـَه
لكن خـسـاره مانـفع فيهـم انـذال
ماينفع المشموس شـوفـه ظـلالـه
دون الوطن حصون وخيـولـ ورجال
كـلٍ يفادي هالوطـن في عيـاله
وبأرواحهم والجاه والنفـس والمـال
وعــدونا يبشـر بلحـظـة زوالـه
فينا الطموح طموح وآمالنا آمال
المجتمـع مـركـب شـديـدٍ حـبالـه
مايرتخي وعزومنا شمّـخ طـوال
بادعي الهٍ منفرد في كماله
يشفي المريض اللي على متنه احمال
ياربنا اللي ” نتّقيه ” بحلاله
ونرجي ثوابه من ورا حسن الاعمال
يسعد مساء الحفـل وانتـم رجـالـه
يقولها شاعر محـنّك مـن شمـال
يغلـي قصيده لاحـضـر في دلاله
يسكب لكم من اشقر البـن فنـجال
ويسعـد هضاب النجد ما احلى تلاله
لاذعــذع الغربيـ ورا كــل خـيـال
الشعـر نهـرٍ عـذب واعـذب زلالـه
الليـله الليـله يـجـي طـوع ارتـال
لاهل السمـو واهل القـدر والجـلاله
واللي حضـر هالحفل بابـيات اجزال
#محيط_الشعر
