كل ما هبهب من الشرقي نسايم
انتشى من طيبها ورد الجنوب
وجيت اعبر بالشعر مغرم وهايم
زيدني يالشرق من عندك هبوب
ما نويت أكتب قصيدي للندايم
كم شكيت الهم وامرضت القلوب
كم عنيت وكم هجيت أهل النمايم
كم كتبت الشعر في وقت الغروب
كم كتبت الشعر لأصحاب الهزايم
كم نجحت وكم جنى غيري رسوب
ودي أبحر دامني بالموج عايم
واتغنى في هوى الضبي اللعوب
لي سنه وأكثر وانا عالحب صايم
وجيت يم الحب وإحساسي طروب
المهم اليوم جيتي يا نسايم
وانتشى قلبي وشعري والجنوب
