سلام يانسل الرجال الميامين
نسل الكرم خليفه ابوه نايف
وسلام يامحمد حفيد الشياهين
ازكى تحيه كامله بالوصايف
تحيتي لك ياحفيد السلاطين
توصلك يامروي حدود الرهايف
ابوك قبلك لسياسه عناوين
تشهد بها العربان حتى الكفايف
وعندي على فعله شهود وبراهين
وياسيدي فعله مثل منت شايف
خلفك وانته ضد كل المعادين
وفعلك سطى في عاليات النوايف
ياسيدي عزيت دار الشريفين
وافين والحاقد حياته حسايف
والدار تتفاخر بكنف الاصيلين
ال السعود مزبنة كل خايف
ياسيدي انتم رجال(ن) قويين
من فعلكم كم من دموعن ذرايف
على عدو الدين انتم شديدين
اقولها والله يشوف الصحايف
وياسيدي فعلك رجح بالموازين
جعلك تدوم ودايم الراس كايف
انتهم هل الطالات قوم(ن)عريبين
المدح يزهاكم ولابه كلايف
وعدوكم قلبه مسوي براكين
يشيل ثقل اهموم ماهي خفايف
المدح يزها صاحبه ياحمر العين
انتم هل الوقفات والنذل عايف
القلب يمدحكم له اعوام وسنين
ويفز من بين الضلوع النحايف
المملكه دار الرجال الوفيين
في راس مرقابن طويلن مهايف
وياسيدي عز الله انكم عزيزين
وتزهاك صعبات المعاني عسايف
