الأصحاب

أصحـابي اللي قدرهـم عندي كبير
لـهـــم مكانـة غـــير مـا هي لآدمــي
عمرت للي مات كم مسجـــد وبـير
وأسعفت الأحيا من كلاي ومـن دمي
فزّيت وأوردت الضوامي للـغـــديـر
حق الـصـداقـة ولا أنـا ذودي ظِــمي
ويوم دار الوقت وانـحـاس المــريـر
وأمست بنات الفكر في راسي عِـمي
دورت فـيـهـم للمعـين وللـشـــويـر
ولا لـقـيت وعـدت بـالمــا في فـمـي
ما عاد فيها لا صـــديق ولا مُـشــير
سـلّـم على محْـزمك يابو “مـحـزمي”
يا هيـه يا مخدوع مدري يا صـغـير
لا تعتزي في كل راس وتحـــتــمـــي
خلّك فطن ما كل صاحب فـيه خير
ولا كل هاشـم للهــــواشــــم ينـتـمي
ولا كل راعي طـير طـيره طـير طــير
بعـض الطيـــور اللي يربيـهـــا ذَمِـي
تبي نصيحـة خـذ نصيـحـــة من خـبـير
مـا لك صـديـق إلا ريـالك يا سمــي