تأمّلـي يا بنـت فيهـم .. والـعبي
في قلب من هو شاف شيٍ شكيتيه
شاعر محنّك عاش في واقـع غبي
يفهم عيون الغير .. ويجهل خوافيه
صبّي علي الـهــم يـاعيـن الظبي
الهم عنك وليـدي انا افـديـه
تدرين وش هو يسبي الهيبه سبي؟!
رجفـة يدينك بيـن لأ ، وبيـن ايـه
اذكر بأني كنت في عمـرك صبي
جالس كـذا مثلك وحلمه حواليـه
وتدرين وش رجواي وغاية مطلبي
اني اسولف لك وش اللي ماقلتيـه
يـارب حــقّـق للـبـراءه مــا تبي
وكل شي نامت تنتظر بـه تناديـه
