رسمنا حلمنا بدري على شاطي غرام احباب
تفننت بحروف اسمك وفي حرفي تفننتي
نسينا البحر وامواجه نسينا الكون والاقراب
اطالع فيك واعزف لك وادندن لك وتر صمتي
اسافر في عيونك كنت واستوطن على الاهداب
انادي لك يانبض القلـب واحيانا هـلا بنتـي
اشوفك طفلتي واهلي اشوفك لي اعز اصحاب
خذانا الليل في غفوه وعلى ايدي تعب نمتي
صحيت ولا لقيت الا بقايا عطرك الجذاب
ياليت البعد أثمر بك ياليتك بس تعلمتي
