سبحان من سبح له الطير تسبيح
خالق سهول ارضه ومرسي جباله
منشي السحاب وسايقه هبة الريح
مزنن تحمل بارد الماء……. وشاله
يرفع بشر ويعز ويذل ……ويطيح
والملك بأمره وان قضى شيء قاله
يا مُنبت الريحان والفل ..والشيح
اذا قسمت الرزق لانسان……ناله
يالله انا طالبك وارجيك …واصيح
ما اصيح وارجي غير بابك وجاله
الستر والصحه وللبال…..ترييح
وتصلح لعبدك نيته…. مع عياله
تغفر وتعفو تدمح الذنب وتبيح
تبيح من عبدك….. وترفق بحاله
تعلم خفايا العبد من غير تصريح
ما قدمت يمناه…م اخفت شماله
ل التفت الساقين ما ينفع النيح
القبر ضمه وانقطع عن…وصاله
ماعاد فيها للخطأ أي تصحيح
وش فايدة كثرة حلاله…..وماله
وختامها سبح مع الطير تسبيح
يستاهل التسبيح عالي الجلاله
واللي تربح من بغى الخير تربيح
يصلي على الماحي…محمد وآله
