الشاعر – مشعل الغامدي
على قدر راعي الفضل تاتي فضايله
وتاتي على قدر المجمّل جمايله
وتأتي على قدر القروم فعالها
ومن غير قدي القوم تعلا فعايله
توخى النقايد شيمتك ثم شيمتك
ترى شيمة الرجال نقوة قوايله
وتكفى علومك لا تعدت محدها
فجوّد هوى نفسك وشدد حبايله
ومن يزرع المعروف في غير مستحق
حصد سوء زرعٍ حاشفاتٍ حصايله،
ومن يقعد الصعلوك في صدر مجلسه
فمجلسه و الاطناب والعز مايله
ومن لا عذر صاحبه في بعض ما غوى
فلا ظن به مخلوق من غير عايله
ومن صك بيبانه وطفى شبايبه
فلا عاد له نارٍ مع الناس طايله
ومن نام عن فرضه ولا خاف خالقه
فخف منه لا تأمن أبد من محايله
ومن زان علمه ظاهره ظاهر التقى
فلا تنبش المخفي تدور دلايله
ومن واجهك بالطيب بالطيب واجهه
ترى الطيب يرفع صاحبه عن مثايله
ومن لا عرف قدرك ولا قدر منزلك
فجنب ليوله ثم جنب قوايله
ولا تقرب العاصي ولا فاجرٍ دني
ولا من هتم علمه وبانت همايله
ولا تقرب اللي ضيفته دون سمعته
مدوّر فلاشاتٍ ومدحٍ و قايله
ولا تحقر الرجال لو صار ما حصل
فإن كان لك قوم ٍفدونه قبايله
ومن لا يغار فلا تعده من البشر
فلا خير في من يرتضي في حمايله
ولا تكثر الشكوى على غير رازقك
وثق بانها ضيقه ولا بد زايله
ترى النفس مثل الطفل تُنهى فتنتهي
إذا حُملت بالطيب بتعيش شايله
