فمان الله ياقلباً دفنته في أسى في ياس
فمان الله ياجرحاً عذابه مايجافيني
سترت الهم في صدري اخاف من الحكي والناس
اخاف من العذول اللي بهرجه مايدانيني
اشوف الحزن في دربي وانا يلعب بي الهوجاس
واقول ارجوك ياهمي تناساني وخليني
اضيق من التعب وابكي وانا في مجلس وجلاس
واخبي وجهي بيدي ويفضحني دمع عيني
نسيت ادفن مع قلبي حبي وصادق الاحساس
وادفن عمري اللي راح واعوض باقي اسنيني
فمان الله ياحباً تركته والعروق ..ايباس
تركته ونظرة اعيونه توادعني وتبكيني
وحالي حال منهو عاش ولكن يكتم الانفاس
لان مفارق الخلان صعب وحيل يشقيني
