بلدنا السعودية فخر بين هالأوطان
وأنا ضمن أهلها حبها زايدٍ فيني
ولاء طايعينه حب وكلمة فصيح لسان
عسى الله يعزك يا بلاد الحرميني
مية عام تحت الراية اللي بها إيمان
ترفرف شموخ وعز وفخرٍ يكفيني
مواليف وأحباب وبني عمنا وأخوان
لوّن الفجوج أوساع يجمعهم الديني
على الشرع والتوحيد والعز للإنسان
تضافر مساعيهم لنصر المواليني
نصف الصفوف وضد من باعنا الخوان
نجي مرخصي أرواح وحنا ملاييني
فخرنا الحكومة والملك صاحب الإحسان
تسيّد لشيخان العرب والسلاطيني
أبدعي عسى الله يحفظك يالملك سلمان
ويحفظ وطنا اللي عن الكون يغنيني
