قولوله إني مسترحت بغيابه
ولا هدالي بال لا حول لا حول
ودوله المرسول إلى عند بابه
قولوله إني من الوله شبه مقتول
ون كان ما همّه ولا جا جوابه
ردو سلامي وما حصل منه مقبول
ون كان موتي من سبايب عذابه
خلو القضية تنكتب ضد مجهول
راعي الوفا لو عاش يطرد سرابه
يمشيه لو درب الأمل عنه مقفول
هذي حياتي بين صبر وكتابة
وشلون تهدأ النفس والبال مشغول
ودي بشوفه بس حظرت جنابه
لاهي وسيف الهجر مازال مسلول
تعال قبل العمر يفنى شبابه
وتشوفني بين المخاليق محمول
