شعر: أحمد الرباعي
يوم بدينا صفحة الماضي التَّليد
سَطّر التاريخ فِــعْل ابطالها
المؤسّس راعي الشور السّديد
بن سعود اللي شِـرب فنجالها
وحّد الأفكار والراس العنيــد
حيّــده بالسّـيف يوم نزالها
عُقب ما كِنا على فقرٍ شديد
نِسْـكِن الصحــرا وحُمر رمالـها
انبنت دولة على ساسٍ وطيد
مـــأرز الإســـلام درع أجيالها
الأصالة فنّها قصــرٍ مشيد
كل ديرة بالفـخر تزهــى لها
من روابي نجد للشرق البعيد
لا الشمـال الحي صيت رجالها
من عروس البحر والدر النّضيد
للجنوب المــجد شُـمّ جبالها
تهتني بالــعزّ والعيش الرغبد
تحمـد المــولى بكِل أحــوالها
يامَلكنا يا عسى عمره مديد
خـــادم البيتين رفــعة نالها
وولي العهد عاليمنى عضيد
خطّـط الــرؤية بكلـمة قالـها
نحلمْ نحققْ كما الفجر الأكيد
والرجــال أقــوالها بأفعـالها
مايكفّي المملكة بحر ْ القصيد
ما يـــوفّي حقّــها وأفضـالها
من نوى ودٍّ لها يلقى المزيد
ومن بحقده يكتـوي ما طالها
