ً
رفرفي بالعز ياراية…. بلادي
وسارعي للمجد يالنور المبينا
دمتي خفاقة بحضر وفي بوادي
ودمتي مرفوعة على مر السنينا
في قلوب المسلمين الحب سادي
لك يارمز الحق والدين المبينا
تحت كلمة سيد الحزم القيادي
ندعس اللي مبغضين وكارهينا
ياعلمنا رفرف بوجه الأعادي
وجدد الأعياد حيناً بعد حينا
ماتنكس ياعلمنا في فؤادي
ولا تنكس وانت مرفوع بيدينا
راية التوحيد لا يوم التنادي
فوق هام السحب للقمة علينا
دونك الارواح لا ثار الزنادي
مانهاب الموت حتى وان غدينا
شاننا عالي وموقفنا ريادي
محتمين الدار بالسيف السنينا
من ثلاث قرون لمينا الحصادي
والطناخه والوفا منا وفينا
شاعره ماني أهيم بكل وادي
مانطقت الا المؤكد واليقينا
الشاعرة : شموخ المالكي
