ذكرى عزيزه ياوطن

مكة الإلكترونية – عبدالله الزهراني

صافح الشاعر عبدالله إبراهيم الكناني قراء صحيفة مكة الإلكترونية في اليوم الوطني للملكة العربية السعودية بقصيدة وطنية تضاف لقصائده الإجتماعية السابقة يقول فيها :

[frame=”24 80″] [CENTER]ذكرى عزيزه ياوطن كلّ عام = في يوم يعلن للسعادة حضور

يغمر مشاعرنا بمعنى الوئام = ونرد ّ له في الحال قاف السرور

ننشد طرب والعزّ علاّ وحام = وفي سمائك ياوطنّا يدور

وارضك تجلّى حسنها للأنام = والبحر موجه سايرته البحور

نستحضر التاريخ في إنسجام = وسيرة (ن) تعبق لنا بالعطور

سيرة بطل من ماجدين (ن) كرام = لو فصّلت ماتحتويها السطور

عبدالعزيز البدر جالي الظلام = اللي جهاده يقتبس منه نور

قضى على اسباب الفتن والخصام= حتى استتبّ الأمن وانزاح جور

زال التنافر وابعد الإنقسام = واقفت سنينا ممحلات (ن) وبور

بارض الجزيره شاد دوله وأقام = صرحا وللإسلام حصنا وسور

مهما نقول ولو يطول الكلام = ماننصفه ويبان منّا القصور

عساه في الجنات عالي مقام = ينعم بخضرا سندسيه وحور

واليوم حنا في ذرا إبن الإمام = ملك وقدره ماكنن في الصدور

وحب أبو متعب علينا لزام = له الوفاء منّا بليا عثور

ونايبه سلمان حرّا قطام = على يمينه مايخالفه شور

حكامنا في ظلهم مانضام = ولهم ولانا باديين وحضور

واصل مسيرك ياوطن للأمام = حماك ربي من جميع الشرور

ذكرى تجدد نعتبرها وسام = ولها عميق الود لفظ وشعور[/CENTER][/frame]