إذا غبت مرّه شدّني للكرام اشروق
ولمقابل الغالين في خـاطري فزّه
وصلني سلام اهل الوفاواستلمه الشوق
وعانق حـــروفه وأرتشف ودّ من دزّه
وجيت وشعور ي قاف وإحساسي الطاروق
ولأحلى المعاني صار في خاطري رزّه
سلامي لكم مخصوص ياناس ياأهل الذوق
مع الشكر والتقدير عرفان ومعزّه
بكم يرتوي قلبي وتنسى الجفاف اعروق
وتهدا صور ذكرى من البعد مهتزّه
يظل الأمل مرسى لو ان اللقا مفهوق
لميعادنا لحظه ولأعيادنا حزّه
وفي ذمتّي أبقى لكم بالغلا محقوق
لساني به المطلق ولو هاجسي وزّه
