شعبٌ واحدٌ

حنا السعودية وحنا الإمارات
بالمختصر حنا كذا شعب واحد

وقفاتنا ماهي مثل أي وقفات
حنا لبعضنا في الرخا والشدايد

عدونا نسقيه مر وحسرات
وحليفنا يبشر بجزل المدايد

على الوفا ربَّونا وعلى المروات
عبدالعزيز القرم..والشيخ زايد

الله وهبنا بالحكم خير قادات
الكل منهم عن ثمانين قايد

أبو فهد سلمان تاج الزعامات
وخليفة أكبر من بيوت الفرايد

هنا أبو سلمان رجل المهمات
وهناك أبو خالد كريم العوايد

أقولها وأنوب عن كل الأصوات
وايد نحبك يا إمارات وايد