لو السماء تمطر على الأرض بلور
تثمر بلادي من ثراها قيـادات
ارض الحرم يا مهبط الوحي والنور
اللي نزل على النبي حق بـ آيات
أرض السلام اللي لها موقف ودور
دايم ينومسنا بنادي السياسات
في موطني حاكم يشبه له الطور
الشامخ الوارف رجـل المهمـات
الحنك في راسه وفي راسه الشور
ياجعلـها أيـام عمـره طويـلات
المجد ماهو مدح مكتوب بسطور
المجـد فعل موثّق بقـاف الأبيات
محمد ابن سلمان إذا انذكر فور
يطري علينا فزعة أهل الحميات
حسم قضايا اقليم عاتم وديجور
والمعتدي ردّه عـن أهـل الريادات
يا هـيه ياللـي من ورا هناك مقهـور
شوف التكاتف كيف بين السيادات
واسأل عميل الفرس يا زارع البور
يروي لاشاوس جيشنا من حكايات
قوافل الفرسان جت له على الكـور
ومن السما للمعركة شـن غـارات
محمد ابن سلمان طـورٍ ابن طـور
نسل الملوك الضاريه والزعامات
يقولها آمن على السرب مسرور
في موطنـه رفّـت على العـز رايـات
لو السماء تمطر على الأرض بلـور
تثمـر بلادي مـن ثراهـا قيـادات
