شكي وعيني تعذرك والقلب يا روحي كسير
أكذب عليك إن قلت لك بعض الحكي لايخدعك
غرامنا ضحكة طفل توه على اللوعة صغير
وإذا ابتسمت لضحكته في صغر سنه يتبعك
الصد أصعب مسألة والهجر ما ودي يصير
وأنا عن ظنوني فرشت ظلوع صدري ترفعك
تغرك أنفاس الجفا والوصل له نفحة عبير
لا ترسمين الحزن في لحظة ندم ما تنفعك
يا جامعة كل الوصوف المبهرة حسنك مثير
زينك طرب راقي وعشاق الأغاني تسمعك
ماني متيم حيل لكن خافقي عندك أسير
من كثر حبي صرت ماحبك وحاولت أقنعك
أخاف من وهمي وأنا الموعود بالجرح الخطير
ما قلت لك أصدق حقيقة هي خيالاتي معك
الحب شتته على الأسماء في شعري كثير
تخيلي وشلون في عالم غرامي بجمعك
