قصيدة ( تذكرته )
وهي في والدي اسأل الله ان يرحمه ويغفر له ويسكنه فسيح جناته
تذكرته على مر السنين وطاحت الدمعه @
ابوي اللي على مر الزمان يشوش للعالي .
تذكرته على فرحة لقانا ليلة الجمعه @
على جلسة سوالفنا فقدت الغالي الغالي .
تذكرته ليا سولف علينا الكل يستمعه @
تذكرته ليا غنى القصيد وجر موالي .
تذكرته ليا جات الحميا وحنت الفزعه @
يفز وينتهض باسمه ويرخص مال والحالي .
تذكرته على صم الجبال وغاية الطمعه @
على قولة نعم فايز ودايم فيه تنقالي .
تذكرته على طيبه على فعله معا ربعه @
تذكرته على صمته معا عمي معا خالي .
تذكرته على حسن الضيافه والكرم طبعه @
تذكرته وانا اشوفه جمل للحمل شيالي .
تذكرته تذكرته لو ان الوقت يا سرعه @
واقول الله يا مكبر فراقك والدهر مالي .
خذاه الموت واقفابه عن الدنيا بلا رجعه @
وانا جرحي على حزني اشيله ياعنا فالي .
خذاه الموت واحزاني لحكم الله مقتنعه @
لو ان الموت زلزلني ودمع العين همالي .
دعيت الله ياربي في جنة عدن مرتفعه @
عسى منزاله الجنه اقوله فاول وتالي .
خالد الحمياني شاعر المجتمع
