الذهب غالي على مر الزماني
والردي ينباع في سوق الرديه
اسمحو لي يالنشاما والعواني
اخرج اللي دار من فكري شويه
الحقيقه غايبه بين السواني
والدنيه ماتشوف الا الدنيه
الذيابه واصله حد الاماني
صارت الرعيان مسرح للرعيه
عشت راسي مانخفض والا يعاني
من صداع الفكر والا من عشيه
ينهزم راع الغدر واثبت مكاني
بالوفاء واخاف من رب البريه
اوهموني. هم رموني في ثواني
اه. من كف القهر ياهي جريه
تهزم الرجال وتهد الكياني
تورد المغبون من حوض المنيه
غلطةً في العمر ماهي من لساني
من رميت الكرت واقبلت المليه
ابعدوني خدمةً للي تلاني
شالني من لا يخاف الله فيه
ماتهاونا وعين الله تراني
ودي اعرف وين هي اليد الخفيه
ما وقف جنبي ولا حدهم رجاني
ياضمايه في سراب الهنجميه
ماكثرك يالمدح وهذا اللي شواني
سرت تايه مثل عزف السمسميه
نجمي الاول ولا افكر بثاني
انقطع جهدي بلا حد اومديه
انشدو الالباب ويش هو اللي جفاني
انجرح صدري من اسباب القضيه
تضحك الدنيا لغير في تهاني
اثر ذاك الضحك من شر البليه
ياسفينه غارقه في بحر هاني
قايدك زود علينا الجمر كيه
من يفكر في وصوله لا مكاني
ماوصل للي وصلته سم حيه
ياغروب الشمس من غيرك سلاني
قل لهم جمعان مامنه خطيه
الامل بالله باقي مانساني
واللهموم تزيل من دون الوصيه
اصعب اللحظات عندي بالمعاني
من كتب له شعر. في ذمة خويه
