رح يا ضميري واقلب المسأله ضد
واقع مرير وامنيات ٍ عديمه
وان كان تبحث لك من العالم .. الند
انا تعيس الحظ .. واكبر نديمه
ادري هموم النفس فيها من الجد
لكن حقيقتها حقيقه .. اليمه
ب أسال وشفني احتري منّك الرد
هو ليش اشوف ان التعاسه جريمه!؟
هو ليش اقول ان الفرح راح.. ما رَد
وان القلوب المايله .. مستقيمه!؟
هو كيف دمع العين ما طاح ع الخد
وان المحاجر اصبحت لي سليمه؟
وش لون بيت الحب للحين مـ انهد
والبارحه ماهي .. علاقه حميمه
استغرب ان الناس .. تشتاق .. وتصد
وما فيهم اللي يعترف ب الهزيمه
صح الله لسانك يا اخوي عدنان فلسفة شعرية رقيقة وخيال مخمليٌّ وارف يمتطي ظهر الواقع لا فض فووووك