” فضفضة “
دخلت عالم الجري بجدية قبل سنة تقريبًا
بصراحة في البداية كانت رياضة مملة نوعًا ما وإصاباتها أحيانًا محبطة لكن أثرها عليّ كان عظيم وواضح
مو بس من ناحية اللياقة ونزول الوزن أو إنك تقدر تأكل الأخضر واليابس وتشرب حليب الشوكولاتة KDD بدون تأنيب ضمير
لكن الأثر الفكري والنفسي هو أكثر شيء جعلني أستمر وأتطور فيها
الجري يعطي صلابة ذهنية وهذا بالضبط الشيء اللي كنت أحتاجه علمني الصبر والاستمرارية والتعامل مع الضغوط بطريقة أفضل
ومستحيل أنسى صديقتي المقربة بعد فترة من استمراري في الجري في يوم اتصلت علي تعاتبني“ليش ما عدتي تشتكين”
وقتها استوعبت قد إيش الجري صار متنفسًا حقيقيًا لي
يختي خلاص لقيت شيء يفكك مني
غير مجتمعات الجري الجميلة اللي تسمح لك تتعرف على ناس ملهمين وداعمين وتشوف قصص وتجارب تعطيك دافع تكمل
وفي اليوم العالمي للجري الحمد لله على نعمة الصحة والعافية وعلى نعمة الجري
ويا رب نكون قدوة طيبة ويكون لنا أثر جميل ونقدر نساعد ناس أكثر إنها تدخل هذا العالم وتكتشف أثره الرائع على الجسد والعقل والنفس.
