تدعي وشعب المملكه معك يدعون
الله يطول ياملكنا بقائك
حتى ولو كنا ٣٠ مليون
حنا بقلبك سيدي وبدعائك
شفت البياض بغترتك غيم ومزون
يمطر على شعبك هدايا عطائك
والليل بعقالك طناخه ويدرون
يرعب سواده من يحاول عدائك
وأفي وشعبك بالمواقيف يوفون
حتى الوفا ياخذ وفا من وفائك
نعشق حروف أسمك من السين للنون
ياطيبتك ياهيبتك يانقائك
حتى السياسه تاخذ دروس وفنون
من كلمتك من حنكتك من دهائك
أنتم هلل العوجا على الحق تمشون
وأنت الحكيم اللي وصلهم دوائك
يارب ياعالم خفي كل مكنون
ياباسط أرضك ورافع سمائك
أحفظ لنا سلمان ياخالق الكون
وأسبغ على الشعب السعودي سخائك
صح لسانك يالغاليه