ما دريت
إني أحبك
وأعشقك
بصمت.
غير لما
غبت
عن عيوني
وابتعدت.
وكنت أشوفك في حياتي شخص عادي
ولا في مرة مريت بجنبي
إهتز فيها شعوري
وارتبكت.
وما كنت أظن إني أسهر ليالي
أفكر فيك وصورة من أحبه
من خيالي
إنمحت.
ولحظات التلاقي مرت
كنها طيور مهاجرة
فوق الغمام
واختفت.
والساعات ما هقيت إنها تمر ثواني
وإنت قبالي أشوفك كل هالعالم
وبدنيتي
إترسمت.
والوله فيني حطم قيودي
وصحى أحاسيس نستني نجوم هالكون
وضيعتني في حبك
وتهت.
وعشقك يجري نهر في شرياني
وما كنت أدري
إن روحي من بحر وجدانك
إرتوت.
يالغلا اللي ملك حياتي
كيف تظن إني أبقدر أعيش من غيرك
إذا في يوم ما تركتني
ورحلت.
