ي ام الشهيد اللي رضى الله فاله
تفاخري به والوطن ل ارجاله
شهيدك اللي امفاديٍ في روحه
شهيد دين الله وعزه جاء له
اقبل شجاعٍ مايخاف العايل
فيه الوطن يفخر ونال الطاله
لا تحزني وايه ارفعي به راسك
هذا سنام الدين واعلا اخصاله
ي أمهات المجد تاج القمه
واعيالكم درع الوطن وااعياله
حمّاية ابلاد الشرف واحدوده
حد الجنوب ومحتمين اشماله
اما النصر ولا الشهاده دونه
ولا يهابون الوغى واهواله
وكل اشهدانا مفخرة هالدنيا
اعيالنا اللي بالوغى خياله
احياء عند الله واحيا معنا
وقدرهم ف اقلوبنا منزاله
والله يطول عمركم ع الطاعه
ياتاجنا عبر الزمن واجياله
وي امي ي فرحة عمري وبسماته
موفيك في شعري وفي ماقاله
غلاك أكبر من جميع اشعاري
ي راس مال العمْر وراحة باله
والشكر وابيات الثنى في ساره
اعداد مامال الغصن واظلاله
علم وثقافه والادب كاسيها
وااقبالها مثل الفجر واقباله
وصيتها مثل العطر في فوحه
ومريوشةً في حسنها مختاله
ثقل ورزانة عقل نشهد فيها
وسوالفٍ مثل الشعر واجزاله
مع الوطن وقفاتها معروفه
تعشق سماه وتربته واجباله
تاج الادب تاج الحلا والعفه
في ساره الدرعان والكل قاله
