بقلم – جمعان اللحلحي
المعذره يا دفتري
شخبطت في سطرك كثيييير
مره هوى
مره حزن
مرات غربه قاتله
واحيان بسمه شارده
والمعذره يا دفتري
دفنت فيك اللي ابيه
او ما أبيه
وادري كثير اللي تشيله يا الورق
واشيل انا في داخلي
اضعاف حبري والحروف
هذا مجرد فيض
من زحمة مشاعر تحتضر
مابين ابوح؟ او ما ابوح؟
مابين سري والظهور
ابدي السرور
مدري عن اسباب السكوت
لكن سكون
رغم الضجيج
رغم ازدحام الاسئلة
رغم اغتراب الأجوبه
المعذره يا دفتري
هذا قليل
هذا فقط
ما يكتبه حرفي على غفلة سكوت
المعذره يا دفتري
المعذره يا دفتري
