يارب عبدك داهمته المقادير
يلوذ بك من وحشةٍ في ضلوعه
ويعوذ بك يامن عليك التدابير
من خاطرٍ ضايق ونفسٍ جزوعه
كل مانشدنا عن بدر قالوا بخير
يامن يطمّن بعد فقده ربوعه
لاعاده الله سبت فرقاك ياامير
سبتٍ ضحاه فراق واتلاه لوعه
”أحدٍ غدت جدران بيته تفاكير”
و أحد يكف بذكرياته دموعه
مافي سما وادي حنيفه ولا طير
سعف النخل كنه يواسي جذوعه
لا الناس ناس ولا الشجر والعصافير
ولا السحاب اللي تفرّق جموعه
قل للرياض اللي بكت تالي عصير
لو فك يدها بدر.. ماهو بطوعه
وقل لليالي لا تسوق التباشير
مافي سماها بدر نرجي طلوعه
ماعاد في الدنيا بدر ياجماهير
وابدرنا اللي غاب وأيّس رجوعه
https://x.com/fahadalmosaad/status/1787227250980466993?s=46&t=kM3_iONcjmtWwi6T9UohAg
